Avanzámosvos a programación de actividades que levaremos a cabo durante todo este ano, e das cales ampliaremos información no seu momento. Esperamos que sexan do voso agrado e que poidamos contar coa vosa participación.
- 20 de marzo: "Descubrindo novos camiños na música: Día do Jazz en Silleda". Coa participación dos alumnos da Escola de Música de Burela, a Escola Estudio de Santiago e a Escola de Música de Silleda. Xornada de convivencia, audicións, proxeccións e concerto das formacións das respectivas escolas en torno ó jazz, coa colaboración especial de José Nine. Para rematar o día, actuación da Silleda Big Band no Pub Vinilo.
- 29, 30 e 31 de marzo: Campamento Musical da Escola de Música, no albergue de Gandarío (Bergondo-A Coruña).
- 3 de abril: XVII Festival de Bandas de Silleda. Coa participación da Banda de Música Cultural de Salceda de Caselas, a Banda Musical de Monçao (Portugal) e a Banda de Música Municipal de Silleda. O concerto da nosa Banda estará adicado á música celta.
- 17 de abril: II Festival de Bandas Xuvenís. Coa participación da Banda de Música Xuvenil de Agolada, a Banda de Música Xuvenil da Unión Musical de Meaño e a Banda de Música Xuvenil de Silleda.
- 15 de maio: Concerto adicado á Asociación de Amigos da Banda.
- 19 de xuño. Día da Música. Obradoiros, audicións, grupos de cámara e concerto da Banda con artistas convidados. A temática desta edición será a música rock.
- 16, 17 e 18 de xullo. Participación no Festival Hispanoluso de Bandas e Ensembles de vento (Zamora).
- 18 de decembro. Concerto de Nadal.
Todo isto, ademais dos concertos, actuacións e festas nas que participamos, e doutros proxectos puntuais que tamén temos na axenda 2010 como é a gravación dun CD e a renovación da nosa revista "Silleda, pobo e música".
1 comentarios:
Temos unha programacion envidiable, solo falta que nos contaxiemos de espirito de traballo en grupo e seguro que sera unha gran temporada. Animo!
Publicar un comentario