A Escola

A Escola de Música Municipal de Silleda nace no a no 1.995 , debido á crecentre demanda musical existente no concello de Silleda. Na actualidade está baixo  a dirección e organización do mestre D. Rafael Agulló Albors, conta con 100 alumnos e cun profesorado titulado e de excelente calidade, ofrecendo un modelo de enseñanza musical dirixida a toda a poboación de Silleda.
 
Os seus principais obxectivos son:

• Dar satisfacción a unha demanda de cultura musical práctica, partindo da base dunha maior realización persoal, fomentando valores como o compañeirismo e cooperación.
• Conseguir que a Música teña, para o alumnado da Escola, un compoñente lúdico, emocional e creativo, potenciando non só o aspecto didáctico, senón tamén o pedagóxico e social.
• Ensinar a  amar a música ao alumnado e preparalo para a práctica musical, vocal e instrumental.
• Fomentar a repercusión da actividade musical da Escola no pobo de Silleda, organizando e participando en diversas actividades.
• Desenrolar unha ampla e variada oferta musical, aberta a todo tipo de estilos musicais.
• Descubrir que a Música é unha linguaxe universal, con poder de comunicación, mediante a cal se poden transmitir e recibir sentimentos e emoción.

A Escola promove o coñecemento e a apreciación da música dende a infancia, o interese pola participación en agrupacións vocais e instrumentais, o desenvolvemento dunha oferta ampla e diversificada en educación musical e a orientación de aqueles casos nos que o especial talento e vocación dos alumnos, aconsellen a súa entrada na ensinanza profesional (acceso ao Conservatorio), proporcionando a preparación adecuada para o accceso da mesma.

Actualmente imparte un gran número de materias (ou asignaturas) estructuradas en diferentes modalidades:

• Música e Movemento               
• Iniciación Musical                     
• Linguaxe Musical                      
• Clarinete                                   
• Saxofón                                    
• Frauta traveseira                       
• Oboe
• Fagot
• Trompeta
• Trombón
• Trompa
• Tuba
• Bombardino
• Piano
• Guitarra
• Gaita
• Coro
• Conxunto Instrumental
• Percusión

Ademais nos últimos anos véñense organizando un gran número de actividades paralelas e complementarias á Educación Musical:

• Realización de Concertos Didácticos.
• Festival de Nadal e Fin de Curso
• Festival de Bandas Xuvenís
• Convivencias e intercambios con outras Escolas de Música
• Asistencia a concertos
• Creación de grupos de cámara
• Cursiños de verán
• Conmemoración do Día Internacional da Música

A Escola non só está destinada a aqueles alumnos que pretenden seguir a carreira musical, senón tamén a todas aquelas persoas que sinten a música, queren ter unha cultura musical e tocar algún instrumento.