XX FESTIVAL DE BANDAS DE MÚSICA DE SILLEDA

Onte celebramos o XX Festival de Bandas de Música de Silleda no auditorio da Semana Verde de Silleda, e para iso contamos coa asistencia da Unión Musical de Valladares. O auditorio volveu a abarrotarse!



 

 A Unión Musical de Valladares, banda invitada, abriu o festival co pasodobre "Escenas del Amor", seguido da suite "Capriccio Espagnol", a obertura "L´italiana in Algeri" e a jota "¡Viva Navarra!". Despois foi o turno da nosa banda, e comezamos coa obertura "Il Barbiere di Seviglia", seguida da peza "Porgy and Bess" na que destacaron e con nota moi alta: Xosé López ao fagot, Rocio Souto ao saxofón alto, Marco Lorenzo ao saxofón tenor e Manuel de la Torre ao trombón. Todos novos talentos cun gran potencial!!! Seguimos o concerto coa obertura "1812" e despois co "Can-Can de Orfeo en los Infiernos".

Esta vixésima edición do festival foi moi especial, como sabedes, estamos a celebrar durante este ano o 125 aniversario da fundación da nosa banda, e queremos aproveitar cada acto para mostrar o noso agradecemento a todos aqueles que contribuíron a construír a historia da mesma. Se hai uns días lle tocaba o turno á Empresa Cuíña, onte quixemos render homenaxe ás institucións: á Asociación Feiral Semana Verde de Galicia, ao Concello de Silleda, á Diputación Provincial de Pontevedra e á Xunta de Galicia. 

Como ben dixo onte Juan Carlos Silva Alonso, compoñente da nosa banda, no acto dos agradecementos, "a historia dun colectivo como o noso é unha historia de traballo discreto, anónimo e silencioso de moita xente, músicos e simpatizantes, ilusionados e comprometidos co proxecto. Pero este ingrediente indispensable non sería suficiente se as institucións non brindasen o seu apoio económico, loxístico e moral. Por este motivo rendémoslles homenaxe a todos aqueles que souberon xogar o papel que se esperaba de eles, dende a posición que en cada momento lles tocaba, dende a primeira fila ou dende posicións máis discretas, no goberno ou na oposición, e souberon ver na nosa banda un proxecto colectivo de futuro como poucos no noso pobo "

Recolleron o galardón, que foi encargado para a ocasión ao artista silledense Antonio González Abal:

• D. José Maril Sánchez, expresidente da Asociación Feiral e da Fundación Semana Verde de Silleda.

•  D. Juan José Salgueiro Montouto, ex alcalde do Concello de  Silleda, en representación da corporación municipal do período 1987 a 1999
• D. Javier López Caramés, ex tenente de alcalde do Concello de Silleda, en representación da corporación municipal do período 1999 a 2007.
• Dona Ofelia Rey Recimil, ex alcaldesa do Concello de Silleda, en representación da corporación municipal do período 2009 a 2011
• Dona Paula Fernández Pena, alcaldesa do Concello de Silleda, en representación da actual corporación municipal.
• Dona Ana Isabel Vázquez Reboredo, deputada de Cultura da Deputación de Pontevedra.
• D. Jesús Vázquez Abad, Conselleiro de Cultura, Educación e Ordenación Universitaria.

O festival rematou cunha sorpresa a un antiguo membro da nosa banda, Alberto Fernández Sánchez "Codeso", que por motivos familiares está en México dende fai 4 anos,  fixémolo  subir ao esceario para tocar con nos dúas muiñeiras "Silleda, pobo e Música" e "Mozos do Penedo". Sen dúbida, unha merecida sorpresa que puxo broche final a unha edición que será recordada por todos nós.

Por último, moitas grazas ás azafatas, a Carlos Manuel Mosquera, a "Vilar" pola súa colaboración desinteresada, que sin ela non sería posible este acto,  e tamén a Isa da Floristería "Carmiña" de Silleda que deixou o auditorio moi vistoso e con gran colorido.

Enlaces de prensa:

• La Voz de Galicia: "Un recital a la refundación de batutas en Silleda"
• Faro de Vigo: "Bajo la batuta del ayer y hoy"

"A BANDA DE SILLEDA, SINTONÍA DUN POBO"

Hoxe no Faro de Vigo publicouse un artigo que narra a historia da nosa banda con motivo do 125 aniversario. Neste artigo podemos ler anécdotas así como reflexións de músicos "veteranos" coma José Suárez, José Costoya ("Vilar") e José Villaverde.

 

Queremos facer unha mención especial a "Vilar", "Suárez", Remigio Montoto e José Villaverde xa que durante meses axudáronnos a identificar músicos en fotos antigas, a recopilar fotos así como contarnos un millar de anécdotas que ben merecen estar recollidas nun libro que logo sairá á luz.

Enlace de prensa:

Faro de Vigo:" La Banda de Silleda, sintonía de un pueblo"

 

 

PRESENTACIÓN AUTOBÚS OFICIAL DO 125 ANIVERSARIO

Hoxe na nave do polígono de Silleda da empresa Cuiña presentamos o autobús oficial do 125 aniversario da banda.

  

Nestes 125 anos de historia pasaron moitos músicos e directores que deixaron unha pegada imborrable, pero hoxe tócalle o turno á empresa Cuiña, que dende moitos anos nos acompaña alá onde imos. O autobús desta empresa familiar, que hoxe é un referente en Galicia, foi testemuña dos nosos éxitos, das longas horas de sono, dos kilómetros de conversa, de confidencias...

Queremos agradecer inmensamente á empresa Cuiña todos estes anos por ser unha fiel seguidora da banda, gracias a Lito (que sempre estará presente no noso recordo), a Edelmiro, a Manolito e a cada un dos conductores que xa  forman parte desta gran familia.

 Enlace de prensa:     Faro de Vigo: "Los 125 marchan sobre ruedas"

GRAN FIN DE SEMANA CO MESTRE VILAPLANA

Este fin de semana vai ser inesquecible para todos nós. Fomos como ben dixo o mestre Vilaplana os “coelliños de indias” no seu seminario, porque pasaron pola batuta 14 alumnos, 7 o venres pola noite e o resto o sábado pola  tarde.

Foi unha experiencia moi enriquecedora para cada un de nós, e sobre todo  un privilexio seguir as indicacións deste gran director e compositor xa que é impresionante o que transmite coa sua mirada, cos xestos das mans ou da súa cara.

 

 

Quedamos coa sensación de que tiñamos que ter pagado tamén por asistir ó seminario, aprendimos moitas cousas co mestre, pero tamén con cada un dos alumnos. Entre as anotacións  técnicas que lle facía aos alumnos o mestre Vilaplana dixo entre outras frases célebres:

“Lo bonito de dirigir es que cogemos el sonido y lo transformamos en algo vivo”

“La música es como el ying y el yang, tenemos fortes porque hay pianos, tenemos lentos porque hay  allegros… así es la vida”

“Los directores construimos el sonido, es como si estuviéramos moldeando una figura de barro, por eso la dirección es fantástica”

 

Podedes ver a entrevista que fixo o Faro de Vigo ao Mestre Vilaplana no seguinte link:

Entrevista a José Rafael Pascual Vilaplana

SEMINARIO CO MESTRE VILAPLANA

Do 15 ao 17 de marzo de 2013 participaremos no Seminario Galego de Dirección de Banda co compositor e director José Rafael Pascual Vilaplana.

 

 

   

Trátase do 2º encontro xa que no primeiro participou a Banda de Música de Catoira e agora tócanos a nós! Neste seminario asistirán 25 alumnos, dos cales 14 participarán activamente e o resto como oíntes. Os alumnos compartirán horas de formación e aprendizaxe co Mestre Vilaplana e tamén coa nosa banda para realizar as clases prácticas que se impartirán na Casa da Cultura e no auditorio feiral.

 

Algúns dos compoñentes da nosa banda xa participaron noutra ocasión nun curso de dirección co mestre Vilaplana, pero esta experiencia non deixa de ser novidosa xa que é a primeira vez que toda  a banda participa nun seminario, así que esperamos estar á altura!

 

Podedes ver a páxina web de José Rafael Pascual Vilaplana no seguinte link:

http://www.pascualvilaplana.com/

 

 

A BANDA DE SILLEDA CUMPLE 125 ANOS

Onte fixemos a presentación en rolda de prensa  da programación de actividades que ofreceremos con motivo da celebración do 125 aniversario da nosa banda.
O lugar escollido para explicar aos medios todo o que temos organizado para o ano 2013 foi a nosa Escola de Música e estiveron presentes a alcaldesa, Paula Fernández, o concelleiro de Cultura, Matías Rodríguez da Torre, así como antigos integrantes da nosa banda como José Suárez Lavandeira e José Costoyas ("Vilar"). Tampouco faltou o escritor Francisco Rozados ("Rochi") que recopilará a historia da nosa banda nun libro, no que dende un enfoque humano recollerá anécdotas, festas, momentos dos músicos con e sen instrumento... 

O punto de arranque oficial das actividades foi a gravación do CD Silleda, pobo e música en decembro do ano pasado no auditorio feiral e que pronto verá a luz. 
Como próxima actividade será o curso de dirección de banda dos días 15 ao 17 de marzo co compositor e director alacantino José Rafael Pascual Vilaplana no auditorio da Semana Verde e na Casa da Cultura.

 

Enlaces de prensa:

• Faro de Vigo: "La Banda de Silleda programa actividades todos los meses por su 125º aniversario"
• La Voz de Galicia: "Música sin fin todo el año por el 125 aniversario de la Banda de Silleda"
• El Correo Gallego: "A Banda de Música implica a todo o pobo nos seus 125 anos"

AS POMBAS DE CARBOEIRO

Este ano no concerto de Nadal volvemos a innovar! Desta vez conxugamos a música co teatro, e contamos coa colaboración de Fantoches Baj. O escenario elixido para levar a cabo esta fusión foi o Auditorio da Semana Verde de Galicia o 22 de decembro de 2012.

 A historia de As pombas de Carboeiro parte dun feito histórico e real cando o Papa Alexandre II obrigou ao rei Fernando II a repudiar á sua muller, Dona Urraca. A partir deste feito, e utilizando referencias ao tarot de Marsella, cantigas medievais ou lendas populares, nárrase a historia dun amor imposible entre dous xóvenes.

O auditorio volveu a abarrotarse e a nosa banda conseguiu levar a música máis alá! Foi unha experiencia moi interesante e enriquecedora tanto para os músicos como para o público.

Temos que agradecer novamente a Rafa o traballo e esforzo realizado nesta ocasión, xa que tivo que facer correccións nas partituras desta peza e invertindo moitas horas na súa preparación.  Un gran reto para todos os músicos, que sen dúbida valeu a pena!

Tamén temos que darlle moito, moito, pero que moito as grazas a Toño Paulino que fixo que parecera que estiveramos no interior do Mosteiro de Carboeiro! fixo unha réplica a gran escala e pintada a man deste emblemático monumento silledense!

Aproveitamos a ocasión para facer un avance do que estamos preparando para este ano 2013, xa que a nosa banda conmemora os seus 125 anos de existencia!No auditorio proxectamos un vídeo no que se fixo un breve resumo en imaxes da historia  xa centenaria da banda. Foi moi emotivo xa que lembramos momentos e vivencias  da banda que nunca esqueceremos!

Podedes ver o vídeo no seguinte link de Youtube: 125 ANOS DA BANDA MUNICIPAL DE SILLEDA

FOLKSILLEANDO

O pasado 23 de xuño de 2012 celebramos a V edición do Día da Música tendo como singular escenario a Carballeira das Pedrosas!

Desta vez tocou homenaxear a música folclórica galega, rompendo a tónica dos anos anteriores na que "jazzilleamos", "rockasilleamos" ou "cubasilleamos".

O pasarrúas a cargo do grupo de gaitas da nosa Escola de Música abriu a xornada, seguido de obradoiros de construción de instrumentos tradicionais impartidos por Pablo Carpintero e de clases de baile tradicional galego a cargo de Mónica Hernández. Tamén fixemos para a ocasión vestimentas típicas para despois participar nunha xincana musical con xogos tradicionais.



Despois de tanta actividade musical degustamos produtos típicos galegos coa colaboración da Asociación de Amigos do Lacón, Panadería Mella de Silleda e Queixos Hoxe, collendo así forzas para despois facer un concerto didáctico a cargo dos mestres da escola.

Xa pola tarde tivo lugar o festival de fin de curso que se cerrou cunha boa "merendola"

Seguimos co concerto da nosa banda, e nesta ocasión contamos coa colaboración de Begoña Lorenzo e Rodrigo Cuevas (voces), así coma con Rocío Mosquera (acordeón), Irene Fuentes (gaita) e cos grupos "O Son da Fervenza " e "Xirandola" para interpretar pezas coma a Xota da Ribeira de Piquín, Noites de lúa na praia ou Maruxiña.

O Día da Música rematou cunha cea de confraternidade e unha fogata de San Xoán ao son da música de grupos coma "Os Sin Son Ghaiteiros", "Os Varacuncas" e o DJ Sanse.

Enlace de prensa: La Voz deGalicia- "El folk sonará en Silleda el 23 a través de la banda de música de Silleda"







SILLEDA E COCENTAINA ÚNENSE NO XIX FESTIVAL DE BANDAS DE MÚSICA DE SILLEDA

O pasado 7 de abril de 2012 no auditorio da Semana Verde de Galicia celebramos o XIX Festival de Bandas de Música de Silleda, e foi moi especial porque contamos coa presencia da Unión Musical Contestana (Alacante), que é nada menos que a agrupación na que o noso mestre Rafa se formou e medrou como artista.

A estancia da banda alacantina foi moi emotiva polo feito de que Rafa estivo cos seus familiares e amigos e tamén porque a nosa banda pasou uns días en Cocentaina fai catro anos!

A novidade do programa do Festival de Bandas foi que tocamos obras de xóvenes compositores galegos coma Pórtico de Antón Alcalde Rodríguez, Estrasántico de Simón Couceiro Rivera e Iter Per Gallaecia de Juan Lois Diéguez.

Ao rematar o festival disfrutamos dunha cea de confraternidade na que non faltou unha boa churrascada! Tampouco faltou quen recordara anécdotas da nosa estancia alá en Cocentaina, coma por exemplo cando na cea de despedida, músicos de Silleda fixeron unha queimada, coa mala sorte de que prendeu lume na mesa! e despois na moqueta...!!!En fin, que todo foi por non contar cos utensilios adecuados (colleramos un maceteiro da nai de Rafa...) O resultado foi que os nosos compañeiros levantinos quedaron sen probar a queimada.

Esta é a foto da queimada ao estilo "contestano" antes de producirse os desperfectos...

Aínda con estes "antecedentes case criminais"... catro anos despois volvemos a intentar facerlles unha queimada da man do "Bruxo Pañocus" e desta vez non houbo incidencias... foi todo un éxito!

Enlace: Faro de Vigo: "Unión Musical Contestana devuelve la visita a Silleda cuatro años después"

UN NADAL DE FÁBULA

Dende os máis maiores ata os pequenos da casa, centos de persoas disfrutaron e sorprendéronse o pasado sábado 17 de decembro de 2011 co espectáculo Sínfonía das fábulas, peza central do XII Concerto de Nadal que ofrecemos no auditorio da Semana Verde de Silleda.

Neste concerto colgamos o cartel de cheo!A Sinfonía das fábulas é unha obra de cinco movementos composta pola americana Julie Giroux e inspirada nun espectáculo de Walt Disney. A sinfonía recolle fábulas tan inesquecibles como: "O león e o rato", "O frautista de Hamelín", "O parruliño feo", "A lebre e a tartaruga" e "Os tres cabritiños Billy." Desta vez conxugamos baile, títeres, contacontas, un ilustrador con area e como non música!

Rematamos o concerto coa peza Celtic Child  acompañados polo coro de nenos da Escola de Música, que unha vez máis deixaron ao público coa boca aberta!

A continuación deixámosvos os seguintes enlaces de prensa:


Artigo de Juan Antonio Pinto Antón no Faro de Vigo do mércores 21 de decembro de 2011: "Silleda, tan rica en música"

Artigo da Voz de Galicia do domingo 18 de decembro de 2011: "La Banda de Silleda vuelve a encandilar por Navidad"

SILLEDA, QUÉ LINDA ES CUBA!

"Cubasilleando" foi o lema elixido pola nosa Escola e Banda de Música para os actos do sábado 28 de xuño de 2011 con motivo do Día Internacional da Música. Ese día Silleda foi inundada polos ritmos do Caribe dende primeira hora da mañá!

Esta 4ª edición contou cunha ampla variedade de actividades na que a música cubana e os seus costumes foron o principal protagonista. Os espectáculos comezaron ás 10 da mañá con pasarrúas a cargo dos gaiteiros da nosa Escola e unha hora máis tarde con obradoiros de creación de instrumentos típicos cubanos, vestidos e unha clase maxistral sobre danzas cubanas que ofreceu a Academia Baile Sabrosura de Ourense. Despois seguimos cun concerto didáctico que rematou cunha degustación de produtos típicos da gastronomía cubana (non todo vai ser tocar...)

Xa pola tarde tivo lugar o concerto de fin de curso no que os cerca de 120 alumnos da nosa Escola fixeron as delicias do público e sobre todo dos seus familiares...

Despois dos "pequenos da Escola" tocoulle o turno aos "maiores" no que tocamos varias pezas ao ritmo do son cubano coa colaboración da cantante Jamila Puro Feeling en cancións tan sonadas coma "Cuba qué linda es Cuba", "Para Vigo me voy" ou "Amapola".

Para rematar este día tan especial para nós celebramos unha cea de confraternidade na que non faltou un bo churrasco e sobre todo cócteles cubanos coma daiquiris e mojitos combinados coa música do Dúo Punto Cero. O bo ambiente e sobre todo a boa música dese día fixo alargar a festa ata altas horas da madrugada!

Enlace ós seguintes artigos de prensa:

• Faro de Vigo: "Bises para la música dezana"

• La Voz de Galicia: "Silleda se mueve a ritmo cubano"

O DÍA QUE SILLEDA ESTREOU O SEU PROPIO PASODOBRE

O 9 de abril  de 2011 o auditorio da Semana Verde de Silleda acolleu a 18 edición do Festival de Bandas de Música de Silleda coa actuación da Banda da Escola de Música de Oleiros e a Banda de Música de Vilagarcía.

Abrimos o concerto coa estrea do pasodobre Silleda, composto e dedicado en exclusiva para a Banda de Silleda polo compositor e director levantino José Rafael Pascual Vilaplana.

José Rafael Pascual Vilaplana dedícanos as seguintes líneas na partitura: "A mis amigos de la Banda de Música Municipal de Silleda y a su director el maestro Rafael Agulló Albors. De tot  cor, L'autor" e segue dicindo nas notas do programa: "Escribir un pasodoble gallego era todo un reto para quien suscribe. Es verdad que desde mi casa a Galicia hay una gran distancia kilométrica, pero si la calculamos desde la estima, estamos muy cerca. La tierra gallega me ha dado muy buenos amigos, muy buenos recuerdos musicales y personales que forman parte de las huellas de esa playa particular en la que se convierte la vida de cada uno...La tradición siempre nos hará enfocar el futuro con más solidez, pues nos ayuda a no perder de vista de donde venimos y quienes somos. Espero que cuando escuchen estas humildes notas, la ternura puesta en su creación pueda llegarles con toda su esencia."

A continuación interpretamos Theseus Journey de Kris Roemers, con esta actuación podemos presumir de ser os primeiros en tocar esta obra en España! Despois compartimos  escenario coas corais Polifónica deTrasdeza, Agolada e Ecos da Ulla de Monterroso para interpretar a marcha Santiago Capitán Abencerraje de Saúl Gómez y Soler. Esta peza está adicada a Santiago Guillem, último capitán moro dos Abencerrajes e pai de Antonio Guillem.

Para cerrar o concerto tocamos Una historia para contar de Teo Aparicio, na que nos acompañou o coro infantil da Escola de Música de Silleda. Estes cativos volveron a facer unha vez máis as delicias do público, é que son xeniais!

 De seguido, adxuntamos a crónica do Faro de Vigo: "A Banda de Silleda comparte escenario con tres corais no seu festival de bandas"

E O GAÑADOR É.......A BANDA DE MÚSICA MUNICIPAL DE SILLEDA!!!

A nosa banda capitaneada polo mestre Rafa Agulló Albors, alzouse co primeiro premio e mención de honra na Sección Primeira no 39 Certamen Villa de Altea, dotado con 8.000 euros.

Obtivemos 545,30 puntos sobre un máximo de 600 tras unha brillante actuación, que foi tildada de "espectacular", e incluso Óscar Navarro, autor da peza Libertadores, durante a retransmisión en directo do concerto, indicou que "se lle puxeran os pelos de punta". Aínda hoxe nos emocionamos cando a volvemos a escoitar…

Podédesnos ver no seguinte video que colgamos en Youtube da peza de Óscar Navarro Libertadores.

Foi un marabilloso día que nunca esqueceremos! Despois de tanto esforzo e traballo valeu a pena! Unha mostra desta victoria inesquecible son as seguintes fotos:

Esta foto de Rafa non necesita explicación, só hai que velo! é a viva imaxe do éxito acadado e da felicidade polo traballo ben feito, e ademais na súa terra natal,  Alicante!

Como proba de que o vivido en Altea non foi un soño, adxuntamos os seguintes artigos de prensa:

• Faro de Vigo: "Deza certifica su poderío en el trono bandístico"
• Faro de Vigo: "Silleda recibe a los héroes de Altea"

ÚLTIMO PASE ANTES DA VIAXE A ALTEA!

A nosa banda xunto coa de Lalín ofrecemos o día 28 de novembro no auditorio da Semana Verde de Silleda un recital preparatorio para o concurso no certame internacional Villa de Altea (Alicante).

Interpretamos o programa co que acudimos ao certame alteense o día 4 de decembro, concurso considerado un dos máis prestixiosos do mundo! e que celebreu este ano a súa trixésimo novena edición.

Participamos na sección Primeira xunto coa Agrupación Musical Senienca (Tarragona),  La Primitiva de RafelBunyol (Valencia) e a Agrupación Musical Santa Cecilia de Tomelloso (Ciudad Real).

Interpretamos como obra obrigada Libertadores, de Óscar Navarro González; e como obras libres o pasodobre Olé! Contrabandistes, de Ramón García i Soler e a obra La Vall de la Murta, de Andrés Valero Castells.

IV Festival Hispano-luso de bandas de música y ensembles de viento (Zamora)

Despois de actuar durante os últimos días en Coia (Vigo), Escuadro (Silleda) e nas Festas do Verán de Silleda, a banda participará o vindeiro domingo 18 no IV Festival Hispano-Luso en Zamora.

Podedes atopar o detalle da programación deste evento na web do Ayuntamiento de Zamora, ou na seguinte nota de prensa: Diez formaciones participan este año en el IV Festival Hispano-luso de bandas de música y ensembles de viento en Zamora.

Así foi o Día Internacional da Música

Non podemos deixar de agradecer o traballo de tódolos que colaboraron para que o Día Internacional da Música que celebramos en Silleda o pasado sábado fose un rotundo éxito, e unha demostración de traballo en equipo entre pais, alumnos, mestres, músicos, Asociación de Amigos da Banda, empresas colaboradoras e afeccionados en xeral. É moi gratificante comprobar como o noso proxecto xa é un proxecto colectivo do pobo de Silleda que xera unha unión como poucos outros. 

Grazas a todos e grazas ó principal responsable deste éxito: Rafa Agulló.

A continuación, enlazamos a crónica que deste día fixo a prensa:

Rockasilleando en el Día Internacional de la Música en Silleda , por La Voz de Galicia.

Trasdeza adorna su pentagrama , por Faro de Vigo.

Presentación do Día Internacional da Música en Silleda

No seguinte link podedes atopar a información da presentación ós medios do Día Internacional da Música, según La Voz de Galicia:

La Banda Municipal acerca el día 26 por tercer año consecutivo las músicas del mundo a los silledenses

Día Internacional da Música 2010

No ano 1982, o entonces ministro de cultura do noso país veciño, Francia, decidiu crear unha festa na que a música saíra á rúa. Máis tarde convertiuse nun evento a nivel europeo e internacional, celebrándose na actualidade en máis de 100 países.
O 21 de xuño ten lugar o solsticio de verán, unha data sinalada sobre todo para os países do Norte de Europa, impregnada dun carácter máxico. É o día no que o Sol se deixa ver durante máis tempo e é por isto, que ó longo da historia realizáronse unha serie de rituais relacionados sobre todo coa fertilidade e co sentido de pedir desexos cumpridos. Aproveitando este día, instaurouse, primeiro en Francia, o Día Internacional da Música, data en que cada ano a música sae á rúa para ser escoitada en todos os lugares do mundo.

No noso país son moitos os actos que ano tras ano se celebran para conmemorar este día e este ano a Asociación Cultural Banda de Música de Silleda quere seguir co proxecto comezado no 2008, cando este día estivo adicado á música tradicional galega. O ano pasado celebramos o II Día Internanciónal da Música o 20 de xuño, adicado ó JAZZ; e o vindeiro sábado 26 de xuño terá lugar a 3ª edición coas seguintes actividades durante todo o día:

10: 00 – 11:00 horas: PASARRÚAS A CARGO DO GRUPO DE GAITAS DA ESCOLA MUNICIPAL DE MÚSICA.

11:00 – 13:00 horas: OBRADOIROS

1. Obradoiro de Construcción de instrumentos.
2. Obradoiro de Rock.
3. Obradoiro de Música Activa.
4. Gymcana Musical.

13:00 – 14:00 horas: CONCERTO DIDÁCTICO A CARGO DA BANDA XUVENIL DE SILLEDA E A COLABORACIÓN DO CONTACONTOS IGNACIO VILARIÑO.

¡O Rock, Unha nova linguaxe musicai!

19:00 – 20:30 horas: FESTIVAL DE FIN DE CURSO DA ESCOLA MUNICIPAL DE MÚSICA.

21:00 – 22:00 horas: CONCERTO DA BANDA DE MUSICA MUNICIPAL DE SILLEDA

22:00 – 24:00 horas: CEA DE IRMANDADE

00:30 horas: ¡FESTA!

HOTEL SPA OCA KATIUSKA

Nesta ocasión non falaremos de música, senón que queremos recomerdarvos un lugar de visita obrigada en Silleda. Trátase do Hotel Spa Oca Katiuska****, no que atoparedes tranquilidade, ambiente agradable e instalacións inigualables. Ademáis, colabora de xeito permanente coa nosa agrupación, patrocinando o programa de actividades da Banda.

Campaña de colaboración Neumáticos Tato

Hoxe trasladámosvos a campaña de colaboración que Neumáticos Tato, un dos mais fieis patrocinadores da nosa programación, está a levar a cabo durante 2010:

Neumáticos Tato cederá á Banda de Música Municipal de Silleda o 0,7% da facturación que os membros da mesma e os socios da Asociación de Amigos da Banda realicen nas súas instalacións. Ademais terán dereito ós seguintes servizos exclusivos:

• Agasallo seguro por cambio de catro rodas e un mantemento.

• Servizo de entrega e recollida.

Non nos que da máis que agradecer a Neumáticos Tato o seu apoio constante, e animarvos a colaborar nesta campaña.